E motibu di hopi malesa serka bestianan di kas

Kerido kliente,

Meta prinsipal pa publiká nos notisiero/noti-ambiente ta pa kontribuí na un konsenshi nobo den e Era Nobo. Kada un tópiko ku nos relatá ta di suma importansia pa nos salú, nos medio-ambiente, nos flora i founa.

Disbiosis i tripa (intestino) permeabel ta dos nòmber pa e mesun enfermedat. E definishonnan ta un poko diferente i ta sòru pa konfushon.

Disbiosis hopi bia ta wòrdu definí komo un desbalansa di e bakterianan di tripa – skarsedat di bakteria kariñoso i demasiado bakteria oportunista òf patógeno. Simpelmente bisá esei ta e inkapasidat di e muraya di e tripa, pa evitá ku partíkulonan di alimentu no digerí òf organismonan tóksiko potensial, ta resultá den e trayekto di sanger.

Ta mas simpel pa wak e situashon di e manera akí: e desbalansa di bakteria ta kousa di e problema, dor di entrega insufisiente di bakteria kariñoso, huntu ku kresementu eksesivo di bakteria patógeno, i de bes en kuando ist. E desbalansa bakterial ta kondusí na inflamashon di e membrannan di e tripa, ku ta resultá den e enfermedat konosí komo disbiosis òf tripa permeabel.

Disbiosis serka bestianan di kas ta wòrdu rekonosé kada bes mas dor di veterinarionan holístiko, kompará ku komunidat veterinario tradishonal.

Kousa di disbiosis

E motibu mas komún di disbiosis den medisina veterinario ta e uso di antibiótika. Antibiótika ta mata bakteria patógeno i bakteria kariñoso tambe, dor di kual e balansa natural di e mikro- organismonan ta keda perturbá i e kantidat di bakteria kariñoso, ku ta mantené e resistensia fuerte i flèksibel, ta bira hopi menos.

–     Otro faktornan ta alimentu hopi prosesá;

–     Alimentu biológiko ku ta kontené hopi grano;

–     Aditivo manera kolorante, preservativo, emulsifikador i supstansia pa drecha smak;

–     Strès

–     Bakuna

–     i infekshon di parasit

Síntoma di tripa permeabel

E síntomanan típiko di tripa permeabel ta gas, barika hinchá i diarea.

Pero disbiosis por ta kousa òf empeorá diferente enfermedat, di kual hopi no ta aparentá di tin di haber ku digestion. Esakinan ta:

–     Hiperaktividat, defisiensia di alimentu, sierto tipo di kanser, wowo seku, malesa di e sistema imunológiko, problema respiratorio i asma, malesa di higra, galblas i pankreas, kambionan den peso, problema ku komportashon, infekshon di blas, malesa di ensía, alergia, malesa di kurason i mal aliento.

Skibí pa Dr. Karen Becker, veterinario integrativo

Solushon alternativa

Den e sumario aki riba nos por konstatá ku den e tempu modèrno ku nos ta biba aden, nos bestianan stimá tin hopi di soportá relashoná ku nan salú.
Ku e konosementu ku 80% di nos sistema di imunidat ta sintá den nos tripa, nos por konkluí ku un bon digestion ta un garantía aseptabel pa e.o. un bestia di kas salú.
Di mes alimentu salú i sufisiente awa di bon kalidat ta un komienso pa un desaroyo óptimo den tripa. Ta nèt esei ta loke awendia ta e defisiensia.
Nos kachó i pushinan en realidat ta karnívoro (komedó di karni) i ta wòrdu alimentá ku muchu karbohidrato i alimentu prosesá, mientras ku nan awa di bebe tambe ta kontené e.o. chloro i flouride.

Pa duna nos bestianan di kas tòg sufisiente resistensia, nos ta mira bentahanan grandi den uso di EM, Mikro-organismo Efektivo. EM ta kontené hopi anti-oksidante, vitamina i enzima.

–     EM Syn Vital ta bagas di trigo fermentá ku mikro-organismo efektivo ku ta kai bou di e denominashon “sinbiótika”. E ta un suplemento ku nos por mantené e flora den tripa salú pa medio di pro– i prébiotika.

–    Uso di Microferm pa kuido di kueru i komo suplemento den awa di bebe ta duna un impulso èkstra na e salú en general. Microferm ta un líkido di mikro-organismo efektivo aktivá.

–     Tambe purifikashon i revitalisashon di awa ku e pipanan di EM serámika ta un gran stimulante pa loke ta trata regenerashon na nivel selular dor di e.o. Radiashon Infrakòrá di Óndanan largu.

Ku uso di produktonan di EM serka bestianan di kas bo ta nota un kambio supstansial den e.o.:

–     baimentu af, vitalidat, kueru i lana, molèster di pruga, karpata i alergia, holó desagradabel, higiena den su espasio di drumi, problema ku orea, bichi i malesa.

Tambe e gastunan ku tin ku alimentu i kuido di e bestianan di kas ta baha konsiderabelmente.

Ps. Riba nos wèpsait bo ta deskubrí ku por usa e mesun produktonan akí pa diferente otro propósito i ku hopi éksito.

Pa mas informashon bishitá nos wèpsait www.hummingbirdfeather.com i/òf nos Facebookpagina di EMCuraçao.
Nos ta alkansabel telefónikamente na 747-1893 òf 516-5782.

Un kordial saludo

Sandovar & Rina