Noti-ambiente 03 2014

E efektonan ekstra-ordinario di EM-Wipe & Clean

 

Kerido kliente,

Meta prinsipal pa publiká nos notisiero/noti-ambiente ta pa kontribuí na un konsenshi nobo den e Era Nobo.
Kada un tópiko ku nos relatá ta di suma importansia pa nos salú i nos medioambiente; teniendo en kuenta e generashonnan ku ta bini.Wipe & Clean

Siman pasá e korant Amigoe a publiká un artíkulo di un investigashon hasí den awanan rònt nos isla, Kòrsou.
E resultadonan optené a probá ku tin demasiado kontaminashon dor di deskarga di awa di berpùt, sushi industrial i hopi mas.
E artíkulo akí a pone nos pensa e.o. riba uso di produkto di limpiesa ku ta kontené ingredientenan kímiko ku ta resultá den berpùt i laman.
Nos ta realmente konsiente di e daño ku e produktonan aki ta hasi na nos salú i nos ambiente, direkto i indirekto?

Problemanan respiratorio, alergia i tambe problemanan di kueru hopi bia ta relatá na uso di habon, kloròks, amoniak i hopi otro produktonan sintétiko pa baña i limpia kas ku ne.
Hopi siudadano no sa e kousa di nan malesa. Pero mayoria ta simplemente kontaminashon di nan espasio di trabou, ofisina, skol, tualèt, kushina, outo etc dor di kímiko agresivo.
Awendia alergia ta un di e problemanan mas komun ku nos ta haña nos konfrontá ku n’e.
Prinsipalmente nos muchanan ta víktima. Nos tin ku kòrda ku nos yunan ta mas vulnerabel.

EM Wipe & Clean ta ofresé un solushon efektivo i duradero na lugá di uso di kímiko agresivo.
EM Wipe & Clean ta un produkto natural, seif  i práktiko pa tur tipo di limpiesa na kas i ofisina.

Eksperimentunan hasí den e edifisionan munisipal di Gent, Belgika, a demonstrá ku Wipe & Clean ta un remplasante perfekto
pa tur e diferente produktonan di limpiesa ku tin un base kímiko.

Resultado di eksperimentu(nan):
1.      Wipe & Clean a resultá di ta efektivo, por lo ménos mes bon ku otro produktonan di limpiesa.
2.      Tin hende a nota un efekto benefisioso di nan kueru.
3.      Ta eksperenshá efekto di Wipe & Clean riba holó desagradabel positivamente.

Wipe & Clean basilicum Pero, e resultado mas eksitante ta e impakto regenerativo riba e ambiente ora usa Wipe & Clean.

Esaki ta algu ku bo no por mira, pero bo ta sinti’é.
Por ehèmpel ora limpia un klas, e alumnonan ta bira mas konsentrá i relahá.
Spùit W&C komo airfreshener a resultá di ta un di e usonan faborito.
E ta hopi kalmante pa hende ku problema respiratorio.

Uso di W&C òf Microferm ta definitivamente un revolushon ora nos konsiderá kuido di nos kas, suela, aire, animal i medioambiente.
EM ta awendia e mihó kontribushon ku nos por duna na kuido di Mama Tera i nos mes.
Ta tarea di nos komo adulto pa enkurashá nos siudadania pa kontribuí na un medio-ambiente duradero dor di kompartí konosementu inovativo pa nos generashonnan di futuro.

Pa  mas informashon, por fabor bishitá nos wèpsait i/of Facebookpagina di EMCuraçao.Microferm
Òf por yama nos pa informashon adishonal.

Adhuntu:
1. video Wipe & Clean laboratorium
2. video Wipe & Clean kuido pa mucha
3. video Wipe & Clean uso domestiko
4. raportage di projekto di Wipe & Clean na Gent

Atentamente,

Sandovar & Rina