Radiashon Elektromagnétiko/ Elektrosmog

Kerido kliente,

Meta prinsipal pa publiká nos newsletter ta pa kontribuí na un konsenshi nobo den e Era Nobo. Kada un tópiko ku nos relatá ta di suma importansia pa nos medio-ambiente, nos salú i en partikular nos generashonnan ku ta bini.

Awe nos ta toka un tema hopi alarmante ku hopi di nos hendenan no ta sufisiente na altura di dje. Nos ta referí aki na kontaminashon den forma di Radiashon Elektromagnétiko (EMF= Electro Magnetic Field).

Den nos bida djawendia ta hopi diferente teknologia i aparatonan teknológiko ta wòrdu usa. Nos konosé televishon, radio, telefon di kas, telefon selular, microwave, outo etc. Tur e aparatonan aki ta emití radiashon elektromagnétiko ku ta penetrá i afektá nos seriamente komprometiendo nos salú i perturbá/desbalansá nos (medio)ambiente.

Ya pa añanan sientífikonan ta hasiendo investigashonnan den kual nan ta relashoná radiashon elektromagnétiko ku malesanan pisá manera, kanser, Alzheimer, Parkinson i otronan.

Despues di a repasá ekstensivamente mas ku 2000 estudio, National Institute of Environmental Health Sciences na Merka a konkluí ku EMF’s “ mester wòrdu konsiderá komo posibel kousante di kanser.”

Un grupo internashonal di investigadónan destaká a publiká ku; “e standartnan di EMF eksistente pa seguridat públiko ta kompletamente inadekuá pa protehá salú di hende”.

Di kon radiashon elektromagnétiko ta asina peligroso?

Nos kurpa mes ta usa kampo elektromagnétiko pa funshoná mané mester ta. Investigashon a demonstrá ku kada sèl den nos kurpa tin su propio EMF.

E EMF-nan natural ei ta yuda regulá tur sorto di prosesonan biokímiko. Ta masha krusial pa bo salú físiko pa mantené balansa den e kamponan selular elektromagnétiko.

Lamentablemente, bo kurpa por wòrdu influenshá dor di radiashon elektromagnétiko artifisial rònt di bo. T’ei e problema ta start.

EMF poderoso ta interferí i poderá di bo kampo eléktriko, kambia e frekuensia i perturbá e balansa di e kampo elektromagnétiko di bo kurpa i su sistema di komunikashon. Esaki ta kousa káos físiko, mental i emoshonal.

Míles di estudio rònt mundu a mustra ku ora bo keda eksponé demasiado na EMF’s e ta kousa imunidat suak, resistensia ta baha kousando infekshon bakterial i viral i malesanan teribel manera kanser.

Den 2007 un reportahe investigadónan sientífiko internashonal i profeshonalnan di salu públiko ta trese nan prekupashon sientífiko na lus di dia. E relato, BioInitiative Report, ta indiká evidensia ku kampo elektromagnétiko artifisial ta e.o.:

• Afektá e genonan i produkshon di proteina
• Tin un efekto genotóksiko
• Ta indusí strès (proteina di strès)
• Afektá e funshon di imunidat
• Afektá e sistema neurológiko i komportashon
• Kousa kanser serka mucha (lukemia)
• Tin un impakto riba produkshon di melatonin; Alzheimer; kanser na pechu; drumi malu
• Ta promové kanser na pechu; tumor den kabes
• Kambio di enzima ku ta afektá DNA i kresementu di sèl
• Apnormalidat fetal (daño na feto); daño na spèrma
• Strès króniko, loke ta kousa problema ku kurason i hopi mas
• Problema di ADHD i memoria

Kon ta evitá/neutralisá influensha di EMF’s

Pa evitá tur e situashonnan penoso aki i kuida bo salú nos ta rekomendá e.o. pa:

• No  kana ku telefòn selular pega riba bo kurpa  (heup, den brasière etc.)
• No laga e aparatonan elektróniko sendé ora no ta usa nan. (p.e. paga tur anochi ora ta drumi)
• No pone e.o. televishon i otro aparato elektróniko den kamber di drumi (sigur no poné karga)
• Trata di papia ku spiker i no pone telefòn selular òf “wireless” na bo orea (tumor den kabes)
• Redusí uso di telefòn selular i us’é solamente kaminda tin bon konekshon
• Evitá di usa mikro-onda pa keinta kuminda etc. (e kuminda ta pèrkurá pa deterioro di sèlnan)
• Trata na usa aparátonan pa neutralisá e efektonan di EMF’s.

EM (mikro-organismo efektivo) tin EM-X Smog C-Seal Sticker pa neutralisá EMF’s di telefòn selular i wireless, televishon, router, laptop, I-pad (mucha ta wòrdu mas afektá ku adulto) etc. Tambe tin EM-X armbant i kadena pa evitá radiashon personal i stimulá sirkulashon di sanger.

Pa mas informashon i mas produkto bishitá nos página wèp bou di e kategoria EM products.

Atentamente bo sirbidó,

Sandovar