Naturalesa di hende

Si nos pérdè kontakto ku “NATURALESA” nos a pérdè kontakto ku “NOS PROPIO NATURALESA

human jointsE propósito di e rúbrika aki ta pa kompartí ku nos siudadánonan tokante e relashon di hende ku nos planeta tera i visa versa. Tur esaki den e kuadro pa krea un konsenshi mas elevá pa ku nos ambiente en general i riba nos isla Kòrsou en partikular.

Antes nos hendenan tabatin un relashon ekstenso i mas konsiente ku nos tera. Ehempel ta:
a. Nos grandinan tabata sinti ora awaseru ta bai kai òf ora mal tempu ta bini. Hopi di nan ta tradusí esaki na e kompartashon di e animalnan den serkania.
b. Ora nos grandinan ta kòrta datu pa traha tranké nan ta tene kuenta ku posishon di luna. Sino e datunan ku nan kòrta ta putri.

E diseño di naturalesa di hende ta kuadra enormemente ku naturalesa di nos planeta. Meskos ku p.e. planeta Tera tin 13 plachi tektóniko (www.dpc.ucar.edu/VoyagerJr/pt_t1.html) , asina hende tin 13 skarnir prinsipal( wak e mapa), asina tambe un morkoi tin 13 plachi prinsipal riba su kaska i tambe nos tin 13 luna durante di un aña.
Nos ta mira aki ku e sifra 13 tin hopi similaridat den nos eksistensia. No ta straña nos ku e.o. sivilisashon Maya su kalènder tin 13 luna di 28 dia.

Otro informashon importante ta ku hende ta konsistí di diferente parti e.o.; mineral, vegetal, emoshonal, mental i spiritual. Tur e komponentenan aki nos por rekonosé nan serka planeta Tera.

turtle shellE konosementunan aki a pone ku nos antepasadonan, espesialmente e sivilisashonnan manera Maya, Hopi, Aborígenes i otronan semper tabatin hopi reverensha, esta honor i rèspet pa Mama Tera. E motibu prinsipal ta ku nan ta(bata) rekonosé nan mes den tur loke Mama Tera ta reflehá.

Un gran sabio nativo di Norte Amérika, “Grandfather” no por a komprondé e sivilisashon blanku ku a drenta nan teritorio, i ku tabata kibra i susha nan lugá. E no tabata nota ku tabatin rèspèt ni honor pa Mama Tera.
Den e siglo aki nos por mira ku poko poko e manera ku nos hendenan “modèrno” a trata ku Mama Tera, a pone ku naturalesa mes a hiba nos bèk na unproseso di kambio pa atendé ku nos naturalesa. Esta ku mas konsenshi pa kuida nos mes i di mes kuida nos planeta Tera.

Grandfather a bisa:”We are caretakers”. Esei ta nifiká ku nos ta diseñá komo esunnan mas apropiá pa kuida nos Mama Tera. E úniko manera pa uni hende den un konsenshi kolektivo ta dor di re-edukashon. Promé ku kambio mester tin re-edukashon. Esaki ta netamente e propósito di e wèpsait aki.
morkoi

In Love Praise and Gratitude

Sandovar