[:en]Kerido amigunan di EM,
Meta prinsipal pa publiká nos noti-ambiente ta pa kontribuí na un konsenshi nobo den e Era Nobo. Kada un tópiko ku nos relatá ta di suma importansia pa nos salú i nos bienestar den kontakto ku naturalesa.
For di delaster investigashonnan hasí nos a bin komprondé ku pa 2025 e “malesa” ku lo dominá mundo lo ta depreshon. Pues no ta kanser, obesitas, diabetis problema ku nir etc. Esei ta nifiká ku depreshon ta bira un tipo di grip òf epidemia.
Kiko ta kousa di tantu depreshon?
Si nos kontesta e pregunta simpel nos por konkluí ku ta e mundu modèrno/desaroyá ta motibu di strès i strès al final ta kousa depreshon.
Kiko ta depreshon?
Depreshon ta un estado mental ku por reflehá diferente síntoma.
- tristesa konstante, ansiedat
- sentimentu di pèsimismo, desesperashon
- sentimentu di kulpabilidat, falta di balor, debilidat
- falta di interes òf plaser den hbi òf aktividat
- falta di energía, kansansio,
- difikultat ku konsentrashon, memoria, tuma desishon
- insomnia, spierta muchu tempran òf muchu lat
- falta di apetit i pèrdida di peso òf muchu peso
- pensamentu di suisidio i intento di suisidio
- inkietut, iritabilidat
- Síntoma físiko persistente ku no ta respondé na tratamentu, manera doló di kabes,
- problema digestivo, doló sin ningun motibu
Un di e formanan pa stimulá e serebro ta ehersisio.
Ehersisio ta sòru pa produkshon di neurononan nobo, inkluiendo e neurotransmitornan ku ta pèrkurá pa kalma e serebro. Ehersisio ta oumentá e kantidat di kímikonan serebral manera serotonin, dopamine i norepinephrine ku ta yuda limitá efektonan di strès.
Tambe tin un téknika ku yama Emotional Freedom Technique. EFT por ta hopi efektivo pa bo reprogramá e reakshonnan di bo kurpa pa asina evitá faktornan di strès den bida diario.
Algun di e detayenan di e téknika akí ta:
1. Optimalisashon di flora den tripa
Bo tripa i bo serebro ta traha huntu, kada un ta influenshá otro. Pesei salú di bo intestinonan tin influenshá profundo riba bo salú mental i visa versa. Pues bo dieta ta di lenk na bo salú mental.
Kòrda akí riba probiótika, kuminda orgániko i bèrdura fèrmentá
2. Vètnan di Omega -3
Ta bon pa bo dieta ta inkluí kalidat haltu di vètnan Omega-3 di origen animal. E “vetzuur”nan EPA i DHA ta hunga un ròl grandi den estado emoshonal di hende.
3. Vitamina D
Optimalisá bo kantidat di vitamina D, por ehèmpel dor di kontakto ku solo. Vitamina D ta hopi importante pa bo estado di animo. Tambe via di kuminda, manera salmou, tuna, zeta di piska i webu
4. Bahá e kantidat di uso di suku i kuminda prosesá.
Kuminda prosesá ta kontené hopi suku i grano. Peor tambe un variedat di aditivo, manera MSG i suku artifisial, ku por afektá e funshonan di serebro i estado mental.
5. Soño
Drumi sufisiente. Bo por tin un tremendo dieta i un programa ekselente di ehersisio, pero si bo no ta drumi suficiente, bo por kai den depreshon fasilmente. Soño i depreshon ta dje liá ku otro ku un problema ku drumimentu ta parti di e síntomanan kompleho ku ta wòrdu di lebel komo depreshon.
Estilo di bida di EM
Si nos para ketu na e relato akí, nos ta komprondé dikon nos di EMCuraçao ta enfoká riba un estilo di bida diferente.
- Nos ta boga pa kreá promé ku tur kos un konsenshi sostenibel. Esei ta enserá pensa i balorá e konsekuensia di nos desishonnan i akshonnan.
- Tambe un estilo di bida ku ta krea un ambiente harmonioso i regenerativo.
- Un dieta basá riba komestibel orgániko i mas natural posibel.
- Karga responsabilidat pa bo propio kuminda manera planta tur loke ku bo por òf den koperashon ku un tim.
Tur esaki ta posibel ku e konsepto di EM (uso di Mikro-organismo Efektivo).
Nos por eliminá elektrosmog ku puiru di EM-serámika den ferf, semènt, betòn.
Mantené ambiente di kas salú ku Wipe & Clean neutral, Holy Basil i awor Menta.
Purifiká i revitalisá awa potatil, pa planta i pa baña ku pipanan di EM-serámika.
Planta i kria bo propio bestianan na un manera salú ku EM- aktivá i Syn Vital.
Pa mas informashon bishitá nos wèpsait www.hummingbirdfeather.com i/òf e Facebookpagina di 
EMCuraçao. Nos ta alkansabel telefónikamente na 747-1893, 516-5782 òf 523-0161.
Un kordial saludo,
Sandovar i Rina
[:]