[:en]

Kerido kliente,

Meta prinsipal pa publiká nos noti-ambiente ta pa kontribuí na un konsenshi nobo den e Era Nobo. Kada un tópiko ku nos relatá ta di suma importansia pa nos salú, nos medio-ambiente, nos flora i founa.

Awe nos ta bini bèk riba un tópiko ku nos a trata den un charla na Rancho de Herberg, esta problema ku muchanan ku “ADHD”, “ADD”, Outismo, Disleksia, Depreshon etc.

Nos a kombiná e tópiko akí ku e gritu internashonal di WCRD – 2016 (World Consumer Right Day ), pa baha uso di antibiótika for di práktika di e.o. agrikultura.
Saká for di Mercola.com

Dr. Campbell ta traha fulltime komo médiko na Inglatera kaminda e ta trata muchanan i adultonan ku outismo, problema ku enseñansa, malesanan neurólogiko, sikiátriko, imunológiko i digestivo. Aki e ta kompartí su miro tokante di “Tripa i e Sindrom di Sikologia (Gut and Psychology Syndrome – GAPS)”, loke por hasi un mucha suseptibel pa daño di bakuna, i e programa di nutrishon di GAPS; un tratamentu natural pa outismo, disleksia, dispraksia, depreshon, i sizofrenia.

Intoksikashon di serebro ta kondusí e.o na sintomanan di outismo

Tur kos ta kuminsá den tripa

Dr. Campbell ta konvensí ku muchanan outista a nase ku serebro perfektamente normal i órganonan sensorial perfekto.

“Loke ta pasa den e yunan aki ta, ku na nasementu nan no ta desaroyá un flora den tripa normal …” e ta bisa. Flora den tripa ta parti hopi importante di e fisiología humano.

Investigashonnan resien hasí na Skandinavia a demonstrá ku 90% di tur sèlnan i material genétiko den un kurpa humano ta nos mes flora di tripa. Nos ta djis un kaska….. un hábitat pa e masa di mikrobio den nos. Nos ta ignorá nan riba nos propio riesgo”.

“Loke ta resultá ta ku nan sistema digestivo – na lugá di ta un fuente di alimentashon pa e  muchanan – ta bira un fuente grandi di toksina. E mikrobionan patógeno den nan trayekto digestivo ta daña e integridat di e muraya di tripa. Asina tur sorto di toksina i mikrobio ta drenta den e koriente di sanger, i yega den e serebro di e mucha. Esaki ta sosodé den e di dos aña di bida di e muchanan ku a haña lechi di mama. Esei pasobra lechi di mama ta krea un protekshon kontra di e flora apnormal akí. Den e yunan ku no a haña lechi di mama, mi ta mira síntomanan di desaroyo di outismo den su promé añanan di bida.

******************Pues lechi di mama ta krusial pa protehá e yunan.”**********************

Kon por ta ku e flora den tripa a kambia asina drástiko?

Si e epidemia di outismo i otro problemanan ku siñamentu ta originá den tripa, kiko a kambia den e delaster 25 añanan, ku a kambia e flora den tripa di e yunan hibandonan den un estado apnormal asina?

Dr. Campbell ta splika:

“Asina leu ku siensia sa, e yu den e barika di su mama ta steril durante di e nuebe lunanan di embaraso. E tripa di e yu ta steril. E yu ta optené e flora den tripa na ora di parto, ora e yu ta pasa den e kanal di parto di su mama. Pues loke ta biba den e mama su kanal di parto, su vagina, ta bira e yu su flora den tripa.
Pues kiko ta biba den e mama su vagina? E ta un área di e kurpa di hende muhé ku ta hopi riku poblá ku mikrobio.

E flora di e vagina ta bini di e tripanan/intestino. Pues si e mama tin un flora den tripa ku ta apnormal, lo e tin flora apnormal den su kanal di parto. E tatanan no ta sali liber pasobra nan tambe tin flora den tripa, anto e flora ei ta biba den nan lis, anto nan ta kompartí e flora den nan lis ku e mama riba un base regular.

….. Semper mi a kolektá historia di salú di e mama, e tata, i preferibelmente hasta di e wela i táwelanan di e mucha. Mi ta haña ku tin un epidemia kresiente i profundo di apnormalidat den e flora den tripa, ku a kuminsá for di Segunda Guera Mundial, ora a deskubrí anti-biotika.

Kada un tratamentu di antibiotika ku spektro amplio ta eliminá e tipo di mikrobionan benefisioso den tripa, loke ta laga e patógenonan eiden sin kòntròl.”

Ku uso di EM adekuadamente den agrikultura, krio di bestia, avikultura i medio- ambiente, uso di antibiotika por ta baha te na un minimo di sero.

Pa mas informashon bishitá nos wèpsait www.hummingbirdfeather.com i/òf e Facebookpagina di EMCuraçao. Nos ta alkansabel telefónikamente na 747-1893, 516-5782 òf 523-0161.

Un kordial saludo,

Sandovar i Rina     [:]