Noti-ambiente 02 – 2014

Kalidatnan di EM Serámika

 

Kerido kliente,

Meta prinsipal pa publiká nos notisiero ta pa kontribuí na un konsenshi nobo den e Era Nobo. Kada un tópiko ku nos relatá ta di sumo importansia pa nos salú i nos medioambiente; teniendo en kuenta e generashonnan ku ta bini.

Awe nos ta papia tokante di kalidatnan regenerativo di EM serámika.

Den nos Newsletter no.1 den 2013 nos a para ketu na e balor i e kalidat di e awa ku nos ta usa.
Nos salú ta estrechamente liá ku nos alimentu, di kual awa ta primordial.
Nos ta trata na yuda nos klientenan ku informashon práktiko pa komprondé ku kada hende tin ku karga responsabilidat pa nan mes salú.

E aserkamentu ku nos ta promové ta: Stimulá bida mas tantu posibel, pa asina bida por duna bo bèk.

Durante añanan hende a desaroyá un sistema di kombatí mas tantu ku ta posibel.
Tur esei saliendo for di un miedu i pensamentu eróneo ku komo si fuera naturalesa no ta perfekto.
E tarea ku nos tin no ta pa kontrolá òf dominá naturalesa manera nos ta haña ta bon.

chemical spraying 2 Resultado di nos komportashon ya ta bisto pa mundu hinter.
Si nos realisá loke nos a kontribuí ku n’e ta ku:
  “Mas nos kombatí, mas nos ta kontaminá (nos mes)”.

E punto importante ta pa nos komprondé ku nos energia ta bai        kaminda nos ta pone nos atenshon. Pues mas nos pone atenshon    den    kombatimentu, mas oportunidat nos ta krea pa sigui kombatí.  Ta ku  energia nos ta krea nos realidat!!!

Nos tur sa ku insektonan i tur sorto di pèst ta bira resistente, i kada bia tin di buska produkto kímiko òf pestisida mas fuerte pa kombatí nan. Meskos ta konta pa nos kurpa humano.

Lesa Amigoe di djasabra 3 di mei: Paho ta alertá! ”Grote bedreiging voor de Volksgezondheid”.

A yega e ora pa kambia nos miro, nos focus.

Ban stimulá bida mas tantu ku ta posibel i asina trese un balansa regenerativo”.

New Picture (1)

Den nos NOTI-AMBIENTE 01 -2014 nos a ilustrá e prinsipio di dominansia den e mundu di biónes di mikrobio.
E grupo chikí di mikrobio (bèrdè) por dominá un ambiente ora e ta mas fuerte ku e otro grupo chikí (kòrá). Esaki pasobra ± 90% di e mikrobionan ta siguidó. Nan ta djòin esunnan ku ta mas fuerte. No ta importá si ta e grupo degenerativo (kòrá)  òf e grupo regenerativo (bèrdè).

EM, Mikro-organismo Efektivo di prof. Teruo Higa ta pone atenshon riba e mikrobionan regenerativo i ta djòin nan den e trabounan pa mehorá ambiente i salú konsiderablemente.

 

EM Serámika

Permití nos splika e efekto ku EM serámika tin riba e.o. e kurpa humano. EM serámika ta radia rayonan infrakòra i nan tin e siguiente efektonan:DSCF4308

  • E ta drecha sirkulashon na nivel mikro dor di ehersé efektonan fuerte rotante i vibrante na nivel molekular
  • E ta mehorá entrega di oksígeno i nutriente den sèlnan di sanger na e tehidonan delikado di nos kurpa
  • E ta promové regenerashon i sanashon rápido
  • E ta oumentá metabolismo entre sanger i tehido
  • E ta mehorá e funshon di e sèlnan di sanger blanku, loke ta oumentá e respòns imunológiko i e eliminashon di bakteria dañino i sushi di sèlnan
  • E ta eliminá toksina akumulá dor di mehorá sirkulashon linfátiko, loke hopi bia ta e rais di hopi problema di salú
  • E ta stimulá e hipotalamus, ku ta kontrolá e produkshon di kímikonan neurológiko envolví den prosesonan biológiko manera soño, beis, sensashon di doló, i preshon di sanger.

 

Kon e ta trahaEM keramiek kadena

E serámika di Mikroorganismo Efektivo ta emití un frekuensia ku nos ta yama “Far Infrared Radiation”.  E frekuensia ultrasóniko akí (ku bo no por skucha), lo kalma un sèl i prevení daño na nivel di DNA. Infrared ta un rayo di solo ku ta sana, i ta wòrdu reprodusí dor di e bakterianan fototrópiko di e mikro-organismonan efektivo. E frekuensia akí ta imprentá den e klei puru i despues kushiná na un temperatura haltu. Mayoria di e Mikro-organismonan Efektivo ta muri dor di e kayente. Algun ta sobrebibí. E ingrediente aktivo den EM serámika no ta e mikro-organismonan ku a sobrebibí, pero e ingrediente aktivo ta den e frekuensia infrakòra ku a keda imprentá permanentemente den e klei kushiná.

  1. EM keramiek pijpjes losAwor ta komprendibel ku awa tratá ku pipanan di EM serámika tin un efekto EM-X electro-smog stekerpositivo riba salú i bienestar di e.o. hende, mata, bestia etc.
  2. Awor ta komprendibel tambe kon bini ku e armbant i kadena di EM serámika ta yuda kontra preshon di sanger haltu, doló, sirkulashon di sanger, radiashon, etc. Esei pa motibu di e kontakto ku e ta hasi ku e kurpa humano.
  3. E stekernan di EM serámika pa kòmpiuter, telefòn selular, televishon, I-pad, etc. ta neutralisá e rayonan elektromagnétiko i evitá ku nan ta afektá e kurpa humano.

Atentamente,

Sandovar