Newsletter 04 2013

Limpiesa i higiena den kas i kushina

 

Kerido kliente,

Meta prinsipal pa publiká nos newsletter/notisiero ta pa kontribuí na un konsenshi nobo den e Era Nobo. Kada un tópiko ku nos relatá ta di suma importansia pa nos medio-ambiente, nos salú i en partikular e generashonnan ku ta bini.

Awe nos ta toka un tema ku ta di hopi importansia pa nos amanan di kas i hinter famia. Nos ta referí aki na kontaminashon di nos ambiente di kas i kushina.
Tin áreanan spesífiko den kas ku nos ta pone èkstra atenshon n’e, e.o. baño, wc i kushina. Den investigashonnan internashonal hasí pa e.o. Higiëne Council, a proba ku kushina ta e espasio ku tin mas kontaminashon di bakteria dañino.
E bakterianan ku ta mas konosí den e espasio menshoná ta salmonella, E.colli, lesteria i campylobacter. Nan por kousa malesa manera infekshon den trayekto di urina, pulmonia, diarea i hasta paralisashon.

E artefaktonan ku ta kontené mas kontaminashon di bakteria ta lo siguiente:

Den kushina:   vuile keuken

–   baki di laba tayo
–   anrègt
–   paña pa laba tayó i glas
–   spòns pa laba tayó
–   frishidèr (kaminda ta warda bèrdura)
–   man di frishidèr
–   planki pa kòrta karni i/òf piská

Den baño:

–  ducha/batkùip
–  pòchi wc i brel
–  mosaiko den bañovuile toiletpot 1
–  kranchinan
–  man di porta

Ta bon pa nos realisá ku ora nos tin un ambiente kontaminá den kas nos ta eksperenshá e efektonan konsiente òf inkonsientemente. Kontaminashon di tal forma ta kontribuí na un ambiente ménos harmonioso. Hasta e relashon entre e habitantenan tambe ta sufri bou di e sirkunstanshanan akí.
Mayoria di biaha ora nos ta den tal ambiente nos no ta ripará e efekto. Pero ta ora hasi un kambio dor di limpia e espasionan nos ta sinti e alivio.

Nos a kustumbrá di hasi uso di supstansia kímiko, manera e.o. kloròks, kriolin, saniflùsh i mas pa kibra holó desagradabel i limpia nos ambiente. Loke ta sosodé ta ku nan ta saka un gas (venenoso) ku ta dañino pa nos salú i nan ta mata e bakterianan bon tambe. Nos ta pèrdè nos olfato i ta bai us’é mas stèrki i mas tantu ku tur su konsekuensia.

Den nos newsletter no. 1 (les’é riba nos wèpsait), nos a ilustrá e daño ku e kímiko manera kloro por hasi. E otronan ta mes òf mas dañino.

E guera kontra di bakteria ta un intento ku no ta duna speransa.
Esei hasta nos hospitalnan téknikamente bon ekipá ta duna muestra di dje. Kuantu ku hospitalnan pa hopi aña tin aktividatnan intensivo pa limpia nan espasio, tòg e bakteria ku nos ta yama MRSA, ku ta resistente kontra di kasi tur antibiótika, ta desaroyá. E bakteria ei ta forma un peliger grandi pa e pashèntnan debil.

E solushon:

Nos no mester purba di eradiká e asina yamá bakterianan dañino, pero nos mester purba plama den e ambiente mas tantu bakteria regenerativo ku ta suprimí e bakterianan no deseá. Asina ta kambia e ambiente pa esun dañino no sigui prokreá.
Eksperimentunan hasí den klínikanan na Hapon i Tailandia a proba ku EM por hunga un ròl tremendo den kuadro di suprimí bakteria dañino.

Den bo kas bo tambe por kambia e ambiente simplemente dor di hasi uso di Wipe & Clean i/òf Microferm i tambe habon di kushina EM. Dor di uso di EM, bo por kuminsá baha man na e kímikonan kreando asina un ambiente regenerativo den bo kas.
Ningun produkto di EM (e.o. Wipe & Clean) ta saka gas dañino, tambe bo no mester bisti hanskun. E ta seif pa mucha i tur hende.
Ta meskla Wipe & Clean ku awa 1:100, esta 10 ml riba 1 liter di awa. Traha un meskla den un spùitbus i un bòter di “wc-eend” pa hasi e uso mas fasil.

Algun ehèmpel pa uso di Wipe & Clean:

clean up the world

  • Spùit e mosaikonan den baño, laga e para i skeiru/limpia nan.
  • Pa limpia wasbak, pòchi i brel di tualèt.
  • Usa un bòter di “wc-eend” ku e meskla pa limpia bou di e rant dje pòchi.
  • Anochi basha poko Wipe & Clean òf Microferm puru den bo wc, ducha, wasbak, laba plato etc. (E mikrobionan ta hasi limpiesa ora abo ta drumi).
  • Pa glas, bentana i spil.
  • Pa frishidèr, stof, kashi kushina, bestèk, anrègt i mosaiko den kushina.
  • Mòp kas i laba paña.
  • Usa Wipe & Clean komo “airfreshener”. (E ta hasi hende mas trankil i konsentrá; e ambiente ta bira mas harmonioso).
  • Basha poko den baki kaminda awa ta para kontra di sangura.

Nos ta anunsiá ku nos tin tur e produktonan di EM (Mikro-organismo Efektivona) na benta, e.o. Wipe &  Clean, Microferm, EM 1 i habon di kushina EM. Tambe nos tin EM-X armbant i kadena pa evitá radiashon/elektrosmog personal i stimulá sirkulashon di sanger.

Pa mas informashon i mas produkto bishitá nos página wèp  www.hummingbirdfeather.com bou di e kategoria EM products.

Atentamente bo sirbidó,

Sandovar