Kiko ta EM?
EM ta un abreviashon pa Mikro-organismo Efektivo.
EM ta un kombinashon di mikro-organismo regenerativo útil ku ta eksistí liber den naturalesa i no a ser manipulá di ningun forma.
E meskla akí, un komposishon de prof. Dr. Teruo Higa un sientífiko hapones, ta oumentá e resistensia natural di e suela, e matanan, e awa, hende i animalnan.
EM ta mehorá e kalidat i fertilidat di e suela konsiderablemente, meskos ku e kresementu i e kalidat de e kultivo.
E komposishon di EM
EM ta konsistí di diferente tipo di mikro-organismo efektivo, ku ta suprimí malesa. Kada un di e mikro-organismonan tin un tarea spesífiko.
Ademas kada un mikro-organismo ta mehorá funshonamentu di e otro.
Esaki ta nifiká ku ta produsí sinergia!
EM ta konsistí di e siguiente 5 famia di mikro-organismonan:
- Bakteria láktiko
- Levadura / yist
- Aktinomiseto
- Bakteria fotosintétiko i
- Beskein
Mikro-organismo Efektivo òf EM ta un di e teknologianan di mikrobio mas popular ku ta ser usá mundialmente awendia i e produktonan di EM ta riba merkado for di 1983 na Hapon.
EM ta bin den un forma líkido i ta konsistí di mikro-organismo efektivo di origen natural.
Rònt mundu ta apliká EM:
- Kontra mal holó
- Den kas
- Pa resiklá residuo di kushina
- Pa tur tipo di maskota / animal doméstiko
- Pa akuario, pisina i piskamentu
- Fruta i plantashon di flor
- Agrikultura, hortikultura i krio di bestia
- Pa limpiesa ambiental i
- Salubridat / industria di salú
- Den kurá / parke i den maneho bèrdè di siudatnan
E balor i prinsipio asendente di EM
E balor eksepshonal di EM ta e kombinashon di mikro-organismo aeróbiko i anaeróbiko.
Aeróbiko ta nifiká “bida ku oksígeno” i anaeróbiko ta nifiká “bida sin oksígeno”.
Den siensia semper nos a konsiderá ku ta imposibel pa e dos gruponan akí por ko-eksistí, pasobra e sirkunstansianan ku nan ta biba aden ta opuesto.
Naturalmente / Den naturalesa tur dos grupo ta biba / ko-eksistí den suela.
Promé ku e deskubrimentu di EM tabata normal pa pensa ku mikro-organismo aeróbiko tabata esnan “bon” i mikro-organismo anaeróbiko esnan “malu”. Sinembargo den tur dos grupo ta eksistí elementonan ku ta kousa malesa i elementonan ku ta suprimí malesa.
E mikro-organismonan aeróbiko i anaeróbiko tur dos tin en komun ku nan por kambia materia den anti-oksidante.
Esakinan tin un influensia / efekto benefisioso riba salú di suela, mata, hende i bestia.
Den e mundu di mikro-organismo tin diferente grupo.
Tin un grupo chikí di mikro-organismo dominante ku ta “efektivo / benefisioso” +, i un grupo chikí di mikro-organismo dominante ku ta “dañino” –, i un grupo grandi di e asina yamá siguidónan.
Den naturalesa e grupo di siguidó ta traha huntu ku un di e gruponan dominante.
En realidat nan ta djis djòin e grupo mas dominante.
Semper tin un bataya entre e organismonan efektivo i dañino.
E biyon di siguidónan ta djis warda riba e grupo ku ta prevalesé. Nan ta adaptá nan mes i imitá esunnan ku ta viktorioso.
Aktualmente 90 % di e suela ta ser kontrolá pa e mikro-organismonan dañino.
Esaki ta debí na hopi faktor, manera: supstansia dañino di industria, tráfiko i di kas.
Tambe e agrikultura industrial ku mono-kultura, no sufisiente rotashon di kultivo, uso eksesivo di kímiko i fertilisante, plugmentu robes, material muchu pisá i suela sunú ta sòru pa kresementu di e mikro-organismonan dañino.
Tur esaki no ta faborabel pa e medio-ambiente, e suela, e kalidat di kuminda i e salú di hende i bestia.
Pero si esunnan bon, e mikro-organismonan efektivo prevalesé, nan lo tin un influensia konstruktivo i di supreshon di malesa den diferente area, manera:
- Suela, airu i awa.
- Mata i palunan.
- Kultivo di agrikultura i hortikultura.
- Salú di hende i bestia.
Uso apropriá / Un bon uso di EM den kas, medio-ambiente, agrikultura i hortikultura por promové e kresementu di e mikro-organismonan efektivo.
E aktividat permanente di EM
- Ku e téknika di agrikultura i medio-ambiente aktual, hopi bia ta solamente pa suprimí síntomanan. Ta mihó pa enfrentá e kousa efektivo. Den nos medio-ambiente tin un kantidat inkontabel di mikro-organismo ku aktividatnan fuertemente desvibel / ekstentibel. E ophetivo di EM ta pa stimulá i mehorá e aktividat di e mikro-organismonan efektivo pa e suela i e medio-ambiente por restablesé su mes.
- E rekuperashon di e suela i e medio-ambiente ta posibel pa medio di eksplotashon di e ritmo natural di e materia. Pa medio di e uso di “EM Aktivá Naturalmente” , ta surgi un diversidat grandi di mikro-organismo.
- E mikro-organismonan efektivo ta kapas di mustra tur nan forsa ku un aplikashon korekto. Dor di esaki e naturalesa i e kondishon di e suela i e medio-ambiente ta hunga un ròl importante. Spesialmente den e promé aña ta importante pa usa EM ku e frekuensia i konsentrashon korekto. Unabes ku e mikro flora nobo i positivo a establesé i stabilisá su mes, e efekto benefisioso lo keda mantené pa sierto tempu.
Kon EM ta traha
EM ta un supstansia bibu i e no ta funshoná manera antibiótika òf un supstansia kímiko. EM ta oumentá poblashon di e mikro-organismonan efektivo / benefisioso.
Ta imposibel pa e produktonan kímiko i e rekursonan di maneho di plaga por hasi esaki. Influensia di e salu i e ásido den produktonan kímiko tin un influensia negativo riba medio-ambiente.
EM no ta mata.
E no ta un antibiótika, pero djis un meskla di mikro-organismo ku ta stimulá bida, konosí den un variedat di preparashon di alimento manera, serbes, biña, zürkol, etc. E bentaha di esaki ta ku niun variedat nobo i diferente ku un resistensia mas grandi lo por desaroyá su mes.
EM ta traha gradualmente. Dependé di e aplikashon, nos por spera un efekto den un par di ora (por ehèmpel mal holó) te ku varios aña (por ehèmpel fertilidat di suela).
E efekto di EM ta basá por parti den un kombinashon di mikro-organismo fermentativo. E produktonan metabóliko ku ta surgi den e fermentashon ta konosí komo anti-oksidante, vitamina i enzíma.
EM no ta dañino, patogéniko, genétikamente modifiká (GMO), ni di sintesis kímiko. E no ta ni un medikamentu / remedi ni un fertilisante.
Kategorianan:
- Agrikultura i Kurá
- Kas i Kushina
- Medio-ambiente i Salú