Dr. Teruo Higa & Teknologia di EM

Dr. Teruo Higa ta konosí rònt mundu komoHiga 2
e kreadó di “Earth Saving Revolution”, ku ta derivá di e introdukshon di Mikro-organismo Efektivo – popularmente konosí komo “EM®”.

E progreso / desaroyo importante akí den teknologia sostenibel, ta operá riba e komprondementu ku naturalesa ta restaurá su salú primeramente dor di organismo mikroskópiko.
Prinsipalmente naturalesa ta resiklá dor di un balansa inter-aktivo entre mikro-organismo regenerativo i degenerativo.
Dor di un asosiashon ku e ekilibrio ekológiko akí, nos por siña di un di e sekretonan mihó wardá di naturalesa, pa mantené salú perpetuo i revitalisashon.

E Teknologia a keda desaroyá pa Profesor Dr. Teruo Higa, mientras e tabata un profesor di hortikultura na Universidat di Agrikultura, univesidat di Ryukyus na Okinawa, Hapon.
Te ku dia el a bira malu dor di uso di produktonan kímiko, promé ku el a kumpli 30 aña, Dr. Higa tabata un defensor di agrikultura konvenshonal i el a traha den desaroyo di produktonan di agrikultura sintétiko.

Dor di a krese komo un agrikultor, e tabata sá ku e agrikultornan tabata den gara  / den man di e kompaníanan di kímiko ku tabata proporsioná nan ku invershonnan kada bes mas karu. El a disidí di buska un metodo natural pa medio di uso di mikro-organismo benefisioso ku lo yuda aliviá e agrikultornan di nan dependensia kímiko.