EM Hèmber di Bokashi – EM Bokashi Bucket

Set di /of 2   Afl. 147.64 (ex OB)

EM Hèmber di Bokashi

Ku e Hèmber di Bokashi bo ta fèrmentá bo propio resíduo di kushina den kas. Dor di meskla e resíduo (sobrá) di fruta, bèrdura i kuminda (fresku) ku un poko di Bokashi-starter, ta surgi material orgániko di kalidat haltu. E mikro-organismonan den e Bokashi-starter ta pèrkurá ku e resíduo di fruta, bèrdura i kuminda ta fermentá i no ta bai putri.

Bo mes por traha Bokashi ku resíduo di kushina kòrtá chikí. Ora tin un bon fèrmentashon no tin chèns pa putrimentu ni holó stinki.

 

Kon ta usa e Hèmber di Bokashi?

Instrukshon:

1. Kòrta sobrá di fruta i bèrdura fresku na pida chikí.
2. Stroi un poko bokashi-starter den bòm di e hèmber di Bokashi
3. Basha e resíduo fresku den e hèmber
4. Stroi un poko (un midí) di Bokashi-starter riba e resíduo.
5. Pèrs e resíduo huntu den bòm.
6. Sera e hèmber bon ku e tapadera.
7. Ripití e proseso te ora ku e hèmber ta yen.
8. Saka e líkido un te dos bes pa siman.
9. Ora e hèmber a yena, ta laga e resíduo fèrmentá dos siman den e hèmber di Bokashi .

Uso di líkido:

Bo por usa e líkido di Bokashi pa alimentá tur mata.
Lanta e líkido di Bokashi aki na awa segun e proporshon 1:100

Uso di Bokashi di hèmber:

E Bokashi ta kla ora e tin un holó zut zür.
Esaki por wòrdu usá den suela òf den kòmpòst, pa drecha tera.
Pa uso práktiko di Bokashi por haña mas informashon den e foyeto di EM.
E balor di Bokashi kompará ku kòmpòst normal, ta ku den e Bokashi e energia ta keda wardá.

Bokashi ta sòru pa:

  • Bon nutrishon pa e bida den suela.
  • Un efekto di detoksifikashon den suela.
  • Bon medio ambiente pa mikro-organismo.
  • Disponibilidat lihé di nutrishon ku e mata por apsorbé.
  • E Mikro-organismonan Efektivo ku ta presente den e Bokashi ta sòru pa:
  • Produkshon di tur sorto di supstansianan bio-aktivo, manera enzímanan, antibiótika natural i hormonanan di kresementu, vitamina i anti-oksidantenan.
  • Un kambio pa un suela konstruktivo ku ta suprimí malesa.
  • Un diversidat i aktividat di mikrobio mas grandi.

Kiko por pone den e hèmber

  • Sobrá di bèrdura fresku
  • Sobrá di fruta fresku (ku eksepshon di apelsina i lamunchi)
  • Kaska di webu
  • Sobrá i wesu di piska
  • Sobrá di karni (limitá)
  • Saku di te
  • Kachi kachi di kòfi