Den e kuadro pa duna un aporte den konsientisashon di nos pueblo, EMCuraçao a skohé pa publiká un newsletter/notisiero ku regularidat.
EMCuraçao, un movementu, a wòrdu lanta netamente pa duna un kontribushon na alsa konsenshi den e Era Nobo aki. Ku Era Nobo nos kier men e era despues di 2012.
Nos tur por tuma nota di e kambio universal ku ta manifestá mundialmente. Kambio semper ta keda inisia ku krisis. Pues nos ta di opinion ku krisis ta un situashon ku semper ta hiba nos na un progreso òf sanashon. Mayoria òf tur biaha mes e ta un progreso pa rekonosé mas profundo balor di nos eksistensia.
Por ehempel, awendia krisis a hiba nos na konsiderá desaroyo duradero/sostenibel.
Nos ta skohé tópikonan ku ta di importansia pa asina ilustrá ku e.o. ora nos apliká EM, mikro-organismo efektivo, den nos bida diario nos por trese un kambio supstansial positivo den nos medio-ambiente, nos hogar i tambe nos salú. Mihó bisá nos por kontribuí na un desaroyo duradero.
Sandovar