Noti-ambiente 05 2015

Kuido natural pa suela i mata

 

Kerido kliente,

Meta prinsipal pa publiká nos noti-ambiente ta pa kontribuí na un konsenshi nobo den e Era Nobo. Kada un tópiko ku nos relatá ta di suma importansia pa nos salú, nos medio-ambiente, nos flora i founa.

Manera nos a ilustrá den nos Noti-ambiente 05 dor di uso kontinuo di fèrtilisante kímiko i pèstisida suela ta bai atras. Esei ta kondusí mas i mas na pèst i malesa ku ta manifestá sin ku ta mira solushon real pa e problemanan akí.
E resultado pa salú di hende, bestia i medio ambiente ta basta tempu konosí pa hinter mundu.

Nos tur konosé nòmber di hendenan ku den historia di humanidat a sobresalí ku konosementu ekstra-ordinario. Pa e okashon aki nos kier menshoná nòmber di Albert Einstein.

E genio akí a bisa:Albert einstein

”We cannot solve problems with the thinking we used when we created the problems”.

Tradukshon:

“Nos no por solushoná problema ku e mesun manera di pensa

ku nos tabatin ora nos a krea e problema”.

Lastimamente ainda e dicho aki no a logra penetrá sufisiente den e konsenshi humano pa hasi e kambio di pensamentu real. Ainda e.o. nos ta tratando na tur manera pa kombatí malesa dor di hasi uso di supstansianan kímiko sintétiko manera pèstisida, hèrbisida, fungisida, anti-biotika etc.

Prof. Teruo Higa, e persona ku ta para na inisio di e teknologia di EM, mikro-organismo efektivo, tambe a praktiká e sistema menshoná ku su mayornan for di mucha. Pero segunda guera mundial a inspir’é pa skohe otro direkshon. E la hasi netamente loke Einstein tabata trata na inspirá hende kuné. Na lugá di kombatí, esta bringa un proseso ku kímiko sintétiko, e la bai stimulá e proseso regenerativo.

Ku otro palabra, e la pèrkurá pa oumentá e mikro-organismonan ku ta pertenesé na e bakterianan benefisioso artifisialmente, produsiendo asina mikro-flora di un suela den kual e bakterianan benefisioso ta predominá.

Awe nos ta para ketu na kon sí atendé ku nos suela na un manera salú i balansá.

  • Promé stap ta alimentá nos suela ku material orgániko manera mèst tratá, blachi, yerba etc.
  • Prepará e suela (dos siman promé ku planta) ku EM-1 òf EM-aktivá pa asina stimulá/fortifiká e mundu di e mikrobionan benefisioso.
  • Añadí Bokashi di kushina, òf EM-bokashi den suela promé ku planta.
  • Añadí nutriente ku a karesé den suela manera e.o., mineral di klei i kalki di kokolishi.
  • Promé ku planta spùit e suela ku EM-5 (ku bo mes prosesá) pa evitá malesa i pèst òf pa remediá e matanan ku ta malu.
  • Mantené e suela humedo i ku sufisiente oksígeno.

 

EM-5 krioyo

Reseta di EM-5 pa kuido di suela i mata kontra di malesa, praktiká na  paisnan ku un suela similar na esun di Kòrsou.

E reseta ta speshal pa un medio-ambiente for di balansa manera aki na Kòrsou, kaminda nos ta konfrontá ku hopi tipo di pèst i malesa di mata.

  • 600 cc/ml awa (pos òf renbak)fermenting pot 1    neem leafpromente
  • 100 cc/ml binager
  • 100 cc/ml alkohol
  • 100 cc/ml melasa
  • 100 cc/ml EM-aktivá
  • Promèntee1konofloMicroferm
  • Konofló
  • Blachi di Neem

Fermentá e meskla durante di un luna p.e. den boter di plastik òf hèmber ku airlock.

Uso:    Lanta e EM-5 na awa segun e formula 1: 1000
10 cc EM-5 den 10 liter òf 20 cc/ml den 20 liter

Pa mas informashon bishitá nos wèpsait pa e reseta di: Ekstrakto di mata fermentá
Sandovar i Rina