Kiko ta Bokashi?

Bokashi ta e palabra Hapones pa “material orgániko bon fermentá”. E materialnan orgániko ta wòrdu empaketá sin ku airu por yega serka. Asina un proseso di fermentashon por tuma lugá kaminda produktonan metabóliko di mikro-organismo ta keda kreá. E téknika di konservashon aki ta mantené e energia den e produkto. Meskos ku zürkol, Bokashi ta haña un balor nutritivo mas haltu ku e supstansianan orgániko ku no ta fermentá.

Bokashi ta adekuá pa drecha tera i ta un fuente di nutrishon pa mikro-organismo ku ta biba den suela. Nan ta establesé nan mes definitivamente den e suela, nan ta multipliká nan mes i dominá e bakterianan, vírusnan i beskein dañino.

Na Hapon nan ta usa Bokashi pa halsa e diversidat di mikrobio den suela i pa suministrá e matanan ku supstansia nutritivo bio-aktivo, manera hormónanan pa kresementu, antibiótika, vitamina i amino-ásido. Asina ei matanan ta haña mas energia esensial i un resistensia mas grandi kontra bakterianan dañino i beskein.

E mikro-organismonan neutral ku ta den un suela ku ta kousa malesa pa mata, i ku tabata skohe ántes pa e mikro-organismonan dañino ku tabata dominá, awor lo djòin e mikro-organismonan efektivo di EM®. Asina ei un suela ku ta kousa malesa, ta bira un suela ku ta suprimí malesa.

Den agrikultura i hortikultura esaki ta e manera di mas efektivo i sostenibel pa saka mas probecho di nos suela.