Ekstrakto di Mata Fermentá EM

Ekstrakto di Mata Fermentá ku EM-1®

Pa dékadanan a hasi uso di ekstrakto pa tur sorto di malesa òf doló.
Hende tabata buska sierto mata òf yerba konosí pa su propiedatnan benefisioso, i fermentá nan pa ekstraé e benefisio deseá.
E mesun teknología akí por ser usá pa ekstraé propiedatnan for di mata manera geranium pa traha un citronella èkstra pa kore ku sangura.
Pika i konofló tambe ta konosí pa nan propiedatnan ku ta kore ku pèst / malesa.

Yerba i otro material bèrdè por keda resiklá i kombertí den un sprei orgániko pa blachi i un repelente pa insekto.
Durante di e fermentashon, EM-1® ta fermentá yerba/blachi i ekstraé ásido orgániko, supstansianan bio-aktivo, mineralnan i otro komponentenan orgániko útil for di e materialnan, ku ta kapas di promové kresementu di mata i repelá malesa òf insekto.

Material:

Un hèmber di 5 galón ku tapa i un “waterslot / airlock”.EM_Character 05
EM-1®, melasa, awa i un kuchara.
Blachi di mata manera Neem, Noni, Welensali òf yerba, manera Yerb’e hole.

Prosedura:

1. Skohe i kolektá blachi di mata òf yerba. Si ta posibel, kòrta e material na        pida di 2 x 2.
2. Yena e hèmber ku mas material ku ta posibel.
3. Prepará un solushon di EM-1® den un kònteiner apart. 1: 1 : 100. (2½            Kuchara di melasa i 2½ kuchara di EM-1® den un galòn di awa).
4. Basha e solushon akí riba e material kòrtá, yenando e hèmber kompleto.
5. Sera e hèmber bon. Yena e “waterslot / airlock” te na e liña indiká.
6. Warda e hèmber for di solo i laga e material fermentá pa un periodo di 2 siman.  Despues di 2 siman ta tèst e pH. E        mester ta entre 3.2 i 3.7.
7. Kola e líkido den un otro kònteiner. E líkido ta e Ekstrakto di Mata Fermentá.
8. Ta usa e Ekstrakto di Mata Fermentá EM-1® pa spùit blachinan pa evitá daño di pèst / malesa na mata.

Aplikashon:

Disolvé e solushon akí 1 : 500 (1½ telep pa galòn) i spùit e blachinan.
Por usa e material fermentá (no e líkido) manera un fertilisante riku na nutrishon òf manera un starter pa kòmpòst.
Si ta us’e komo fertilisante mester pone un lag fini pasobra e ta stèrki.
Warda e Ekstrakto di Mata Fermentá EM-1® na un lugá skur ku un temperatura relativamente konstante.
Por warda e solushon te ku 90 dia / 3 luna.

Tradusí for di Steve Diver, Appropriate Technology Transfer for Rural Areas (ATTRA).