[:en]

Konstrukshon i Mantenshon

Kerido kliente,

Meta prinsipal pa publiká nos noti-ambiente ta pa kontribuí na un konsenshi nobo den e Era Nobo. Kada un tópiko ku nos relatá ta di suma importansia pa nos salú, nos medio-ambiente, nos flora i founa i tur otro espesie i elemento ku ta forma parti di nos Mama Tera.

Tópiko di awe ta konstrukshon i mantenshon di kas/edifisio.
Den nos Noti-ambiente no. 4 di 2013 nos a amplia riba higiena den kushina.  E biaha aki nos ta bai mas profundo den e materia pa indiká kon nos ta traha i mantené nos bibienda/edifisio i kiko ta e konsekuensia(nan) ku por tin.

Na promé lugá ora traha i mantené kas awendia nos ta:

• raspa e tereno kita tur e tera fértil i energétiko salú for di den kurá. (desbalansa energétiko).
• koba fundeshi i spùit ku venenu pa mata komehein. (kontaminashon di insèktisida òf pèstisida).
• basha fundeshi i flur ku betòn (radòn – krea gas venenoso) ku ta kontené kímiko. (kontaminashon di kímiko).
• lanta muraya ku blòki di semènt ku ta kontené mesun radòn. (kontaminashon)
• uso di palu wòlmanisá pa e.o. dak i plafònt (kímiko tóksiko e.o. arséniko).
• instalá pipa i waya di koriente di pvc. (ta kondusí na dioxine i no ta degradabel)
• pleister muraya ku semènt ku ta kontené kímiko tóksiko.
• pega mosiako ku semènt òf leim ku ta kontené kímiko tóksiko.
• fèrf òf trata muraya ku supstansia kímiko tóksiko (formaldehyde, glicol etc.).
• limpia kas, edifisio i kurá ku e.o. diferente tipo di kímiko, insèktisida i pèstisida (kousante di hopi malesa i alergia).
• usa aire kondishonado (ta sirkulá aire polushoná).
• usa koriente, microwave, telefòn, Wifi, internet etc. (kousante di radiashon elektro-magnétiko)

Esakinan ta djis pa menshoná algun di e práktikanan ku nos den e mundu modèrno ta hasi uso di dje. E konsekuensha ta remarkabel i hasta tin un terminologia “médiko” p’e awendia, esta: sick house òf sick building syndrome (sintomanan ta p.e. problema ku wowo, nanishi, iritashon den garganta, benout, desorientashon, iritashon di kueru etc.)
Nos ta sigurá nos lektornan ku ofisialmente tin diferente di e detayenan ku nos a menshoná ku sigur no ta bin na remarke komo kousante di sick building syndrome, SBS. Pero nos ker mira tur kos for di e perspektiva sostenibel pesei nan tambe ta inkluí.

Awor kiko nos por hasi pa solushoná òf minimalisá SBS den kas/edifisio?

EM, esta Mikro-organismo Efektivo tin un gran kantidat di solushon práktiko pa remediá i drecha e ambiente den kas/edifisio.
Den konstrukshon; for di den fundeshi te ku ora e kas ta kla EM por trese un kambio supstansial na bienestar di habitantenan. Ku uso di e.o. EM i EM-X serámika den fundeshi, betòn, material di pleister, leim pa mosaiko, tratamentu pa palu i fèrfmentu por krea un konstrukshon i un ambiente di bibienda di kalidat haltu i salú.

Den mantenshon tambe e mikrobionan benefisioso por pèrkurá pa limpiesa di kas/edifisio i resiklahe na un manera natural, reforsando un ambiente regenerativo i salú ku uso di Wipe & Clean, Microferm i Hèmber di Bokashi.
Polushon di e.o. radiashon elektromagnétiko por wòrdu remediá ku steker i armbant di EM-X serámika.

Uso di e produktonan di EM akí den konstrukshon i mantenshon a duna komo resultado mehoramentu di e ambiente den kas/edifisio i asta e interakshon humano. Prueba di esei ta ku awor tin konstrukshon di skol, hospital i hasta prison ku aplikashon di EM. P.e. Eco City Taman Sutera Utama na Malasia.

Pa mas informashon tokante di e konsepto EM i e produktonan por fabor bishitá nos wèpsait  www.hummingbirdfeather.com . Nos ta rekomendá  tambe pa lesa nos Noti-ambientenan ku ta ubiká bou di Articles

Atentamente bo sirbidó,

Sandovar i Rina

 [:]